Faqeerana Aaye Sada Kar Chale

Faqeerana Aaye Sada Kar Chale

Faqeerana Aaye Sada Kar Chale

Miyaan Khush Raho Ham Dua Kar Chale

Jo Tujh Bin Na Jeene Ko Kehte Thay Hum

So Is Ehd Ko Ab Wafa Kar Chale

jabee.n sajdaa karte hi karte gayi

haq e bandgi hum adaa kar chale

Shafa Apni Taqdeer Hi Mein Na Thi 

Ki Maqdoor Bhar To Dawa Kar Chale

bahut aarzu thi gali ki teri,

so yaa.n se lahu mein naha kar chale

parastish ki yaa.n taen ke aye but tujhe,

nazar mein sabho ki kHudaa kar chale

Woh Kya Cheez Hai Aah Jiske Liye 

Har Ek Cheez Se Dil Utthakar Chale

Koi Na-Umeedaana Karte Nigaah 

So Tum Hamse Munh Bhi Chhupa Kar Chale 

Dikhaayi Diye Yun Ki Bekhud Kiya 

Hamein Aapse Bhi Judaa Kar Chale 

Kahein Kya Jo Pooche Koi Hamse ‘Meer’ 

Jahaan Mein Tum Aaye The Kya Kar Chale

Meer Taqi Meer

Read More

Jis sar ko garur aj hai yan tajawari ka

Urdu Ghazal by Mir Taqi Mir

Jis sar ko garur aj hai yan tajawari ka
kal us pe yahin shor hai phir nauhagari ka

afaq ki manzil se gaya kaun salamat
asbab luta rah mein yan ham safri ka

zindan mein bhi shorish na gai apne junun ki
ab sang madawa hai is aashufta sari ka

har zakhm-e-jigar dawar-e-mahshar se hamara
insaf talab hai teri bedadgari ka

is rang se jhamke hai palak par ke kahe tu
tukra hai mera ashk aqiq-e-jigari ka

le sans bhi nazuk ke ahista hai bahut kam
afaq ki is karagah-e-shishagari ka

tuk mir-e-jigar-sokhta ki jald khabar le
kya yar bharosa hai chiragh-e-sahri ka

(By Meer Taqi Meer)

Difficult words and their meanings

tajawari=Hukomat,  nauhagari=rona

afaq=wo jaga jahan zameen o aaman milte nazar aatay hen,    asbab=maal,    

safri=mutasir

zindan=qaid khana,     shorish=     junun=pagal pan,    sang=pathar,   madawa=ilaaj,   aashuftasari=pagal hona.

dawar-e-mahshar=roz-e-qayamat ka munsif-Allah Tallah

karagah=kaarkhana

tuk=zra,   sokhta= beemar-jala howa,  

chiragh-e-sahri=marne k qareeb

Read More